Fyrsti fasi þjónustuhönnunar kallast uppgötvun og leggur grunninn að að verkefninu í heild sinni. Uppgötvun fylgir oft óvissa svo það er mikilvægt að vera með opinn huga og samþykkja að við erum ekki með svörin við öllu. Lykilatriðin hér eru að vera forvitin, sýna samhygð og ögra öllu sem við höldum að við séum viss um.

<aside> 📌 Markmið: Að öðlast djúpan skilning á vandamálinu með því að skilja betur þarfir notenda. Þannig getum við betur komið auga á viðeigandi og notendamiðaðar lausnir.

</aside>

Umfang

Áður en við gerum nokkuð annað er mikilvægt að skilja umfang verkefnisins og setja viðeigandi markmið. Því skýrari sem rannsóknarmarkmiðin eru, því auðveldara er að ákveða hvaða aðferðir henta best. Spyrjum okkur:

• Er þetta rétt áskorun?
• Þarf að umorða hana?
• Hver er raunverulega áskorunin?
• Nákvæmlega hvaða þörf erum við að reyna að svara?

Áskorunarrammi

Til að skilja betur umfang verkefna er mikilvægt að ramma inn og afmarka hvaða áskorun á að leysa. Við mælum með að gera þetta í upphafi verkefnis og ítra eftir því sem verkefninu vindur áfram. Hér er mikilvægt að hafa í huga að áskorun er ekki það saman og lausn. Til að finna rétt svar þarf nefnilega að vera með rétta spurningu.

Spyrjum okkur:

• Hvaða vandamál viljum við leysa?
• Hverju á að breyta / ekki að breyta?
• Fyrir hvern er þetta?

Einkenni vel afmarkaðrar áskorunar

• Sett fram sem „hvernig gætum við“ spurning
• Veitir samhengi og sýnir hversu brýnt er að leysa áskorun
• Gefur til kynna flækjustig og hindranir en líka tækifæri og von

Einkenni illa afmarkaðrar áskorunar

• Áskorun birt sem lausn
• Áhersla á ákveðið einkenni vandans frekar en vandann sjálfan
• Safn allskonar vandamála klesst í einn graut
• Felst í raun í að færa vandamálið yfir á einhvern annan

Áskorunarrammi.pdf

Áskorunarrammi.pdf

Þekkingarstigi

Þekkingarstriginn er tól sem hægt er að nota í upphafi verkefnis til að skilgreina hvað við vitum og hvað við vitum ekki. Þessi strigi er hjálplegur til að koma auga á raunverulegar staðreyndir málsins og greina þær frá því sem við erum í raun bara að geta okkur til um. Fyllið út þekkingarstigann í sameiningu sem teymi.

Þekkingarstriginn.pdf

Þekkingarstriginn.pdf